Tuesday, April 4, 2017

விரதத்தினால் நம் உடலில் ஏற்படும் பத்து (10) நன்மைகள்

1) நம் உடலின் உள்காயங்களை (அழற்சி-INFLAMMATION) குணப்படுத்துகிறது.
2) எடை குறைப்பு திடீரென்று நிற்கும் போது, மீண்டும் எடை குறைப்பைத் தூண்டுகிறது.
3) இன்சுலின் எதிர்ப்பைக்(INSULIN RESISTANCE) குறைத்து டையபடிஸ் டைப் - 2 வருவதைத் தடுக்கிறது.
4) வளர்ச்சி ஹார்மோன்களின் (HUMAN GROWTH HARMONES) உற்பத்தி 5 மடங்கு அதிகமாகி, உடல் கொழுப்பை எரிக்க, தசைகளை வளர்க்க உதவுகிறது.
5) குறைபாடுள்ள செல்கள் பழுது பார்க்க தூண்டுகிறது. செல்களில் உள்ள உபயோகமற்ற பொருட்கள் வெளியேற்றப்படுகிறது. (AUTOPHAGY PROCESS)
6) நமது ஆயுளை நீடிக்கச் செய்யும்மற்ற மற்றும் நோய் எதிர்ப்பு சக்தியைத் தரக் கூடிய ஜீன் களில் (GENE EXPRESSION) நல்ல மாற்றத்தை ஏற்படுத்தி, ஆயுளைக் கூட்டுகிறது.
7) ஆரோக்கியமான இருதயத்தை தந்து நமது ஆயுளை கூட்டுகிறது.
8) புற்று நோய் (CANCER) வருவதை தடுக்கிறது
9) நமது மூலையில் புதிய நியூரான்கள் (NEURONS) உற்பத்தியைத் தூண்டி மூளையை சேதத்திலிருந்து பாதுகாக்கிறது.
10) அல்சீமர் நோய் (Alzheimer’s Disease) வருவதைத் தடுக்கிறது.
விரதம் இருப்போம்....பயன் / பலன் பெறுவோம்.

முக்கிய குறிப்பு :
நீரிழிவு நோய் உள்ளவர்கள், அதிக ரத்த அழுத்தம் உள்ளவர்கள், இருதய நோயாளிகள், கர்ப்பிணி பெண்கள் விரதம் இருப்பதை தவிர்க்கவும்.

பேலியோவை புதியதாக முயற்சிப்பவர்கள் பலர் மலச்சிக்கல் வருவதை தடுப்பது எப்படி ?

பேலியோவை புதியதாக முயற்சிப்பவர்கள் பலர் மலச்சிக்கல் வருவதாகப் பதிவிடுகிறீர்கள்.
உங்களுக்கு சில டிப்ஸ்.
முதலில் ஒரு உணவு முறை மாற்றத்திற்கு உடல் பழக சில நாட்கள் பிடிக்கும். அதை உணரவேண்டும். எல்லாமே இரண்டு நிமிட மேகி நூடுல்ஸ் அல்ல.
வயிற்றை சுத்தமாக வைத்துக்கொள்வது மிகவும் அவசியம்.
பரிந்துரைக்கப்படும் உணவுகளை சரியாகப் பின்பற்றி உண்பது அவசியம்.
பேலியோ பரிந்துரையில் வாரம் 3 நாட்கள் கீரை ஸ்மூத்தி, சாலட், பழுக்காத கொய்யா, 3 லி நீர் போன்றவை பரிந்துரைக்கப்படுவதின் காரணம் அதிக நார்சத்து மற்றும் நுண் சத்துக்களுக்காகவே.
மலச்சிக்கலுக்கும், மலம் சேர்வதற்குமான வேறுபாட்டினை அறிந்துகொள்ளவேண்டும்.
அன்றாடம் உண்ணும் உணவில் ஜீரணிக்க இயலாதவைகள்தான் கழிவாக, மலமாக வெளியேறும். இறைச்சி, முட்டை போன்ற உணவுகள் முழுவதும் ஜீரணிக்கப்படுவதால் 3 நாட்களுக்கு ஒருமுறை என்றாலும் வலியோ, கெட்டித்தன்மையோ இல்லாமல் இலகுவாக சரக்கு இறங்கினால் பயப்படவேண்டியதில்லை. உங்கள் உணவில் செரிக்க இயலாத குப்பைகள் குறைவு என்பதை அறிக.
வயிற்றினை சரியாக சுத்தம் செய்யாமல் தடாலடியாக பேலியோவுக்கு வருபவர்கள் காண்ஸ்டிபேஷன் கண்டத்தில் மாட்டிக்கொள்கிறார்கள். போலவே தினம் காலை எழுந்தவுடன் லோடை இறக்கியாகவேண்டும் என்ற பழக்கம் இருப்பவர்களும். Iron சப்ளிமெண்ட் எடுப்பவர்களும்.
இதிலிருந்து சுலபமாக மீளும் வழிமுறைகள் பின்வருமாறு..
01. கீரை ஸ்மூத்தி காண்ஸ்டிபேஷன் கில்லர். பேலியோ துவங்கும் நாட்களில் பிடிக்கிறதோ இல்லையோ காலை உணவாக கீரை ஸ்மூத்தி, மதியம் சாலட் இரவு ஏதேனும் பேலியோ ஹெவி உணவை முதல் 2 வாரங்கள் உண்ணுங்கள்.
02. தயிர் + சிக்கரி. ஒரு ஸ்பூன் சிக்கரியை 100எம் எல் தயிரில் கலந்து கல்பாக அடித்தால் நகராத நரகல்லும் நகரும்.
03. திரிபலா சூர்ணம் அல்லது மாத்திரை காலை / மாலை ஒரு சிட்டிகை அல்லது ஒரு மாத்திரை.
04. பழுக்காத கொய்யா - 2 இரவில்.
05. மக்னீசியம் க்ளைசினேட் சப்ளிமெண்ட்.
06. நிறைய தண்ணீர்.
07. விரதங்கள்.
08. பரிந்துரைக்கப்படும் உணவை மட்டும் சரியான அளவுகளில் உண்பது.
09. நடைப்பயிற்சி.
இதுபோக சிலருக்கு மூலம், பைல்ஸ், என்று விதவிதமாக ஆசனப் பிரச்னைகள் இருக்கும். அவர்கள் மருத்துவரைக் கலந்தாலோசித்து சிகிச்சை பெறுவது நல்லது.
மேலும் சில உடல் சார்ந்த பிரச்னைகளாலும் மலம் கழிக்க முடியாமல் போகலாம். தகுந்த மருத்துவ சிகிச்சை, பரிசோதனைகள் அவசியம். குறிப்பாக வயதானவர்களுக்கு.
மலம் கழிக்க சிரமமாக இருந்து மிகவம் கட்டியாகி என்ன முக்கி முயன்றும் வராமல் அதை ஏதேனும் செய்து ஆசனவாயைக் காயப்படுத்தி அந்த வாயில் ரத்தவாந்தி எடுக்க சிலர் கட்டிங் ப்ளேயரை எல்லாம் எடுத்துக்கொண்டு ரெஸ்ட்ரூம் செல்வார்கள். தயவு செய்து உடனடியாக மருத்துவரைப் பார்த்து தகுந்த சிகிச்சையைப் பெறவும். இல்லையெனில் அவதிப்பட நேரிடும்.

Monday, February 20, 2017

Paleo Blood Test Protocol - பேலியோ உணவுமுறைக்கு முன்பாக எடுக்கவேண்டிய ரத்தப் பரிசோதனை பாக்கேஜ்.

  பேலியோ உணவுமுறைக்கு முன்பாக ரத்தப் பரிசோதனைகள் எடுக்கவேண்டியது கட்டாயம்.
அது ஏன் கட்டாயம் என்று ஏற்கனவே பலமுறை விளக்கி இருந்தாலும், தினமும் குழுவில் புதியவர்கள் இணைவதால் அடிக்கடி இதைப் பற்றி எடுத்துச் சொல்லிப் புரியவைப்பது நம் கடமை.
திருப்பூரில் ஒரு பெண்மணி என்னிடம் இப்படிக் கேட்டார்.

"ஐ அம் பர்பெக்ட்லி ஆல்ரைட். நான் ஏன் இந்த டெஸ்ட் எடுக்கனும்? எனக்கு பீபி, சுகர், தைராய்டு எதுவும் இல்லை. நான் டெஸ்ட் எடுக்காம பேலியோ ட்ரை பண்ணக் கூடாதா?"
 
"ஓ தாராளமாக பேலியோ முயற்சிக்கலாம். ஆனால் ஒரே ஒரு கண்டிஷன்."

"சொல்லுங்க."

"பேலியோ உணவுமுறைக்கு மாறியபிறகு மறு நாளோ 3 மாதங்களோ கழித்து, யாரோ எதுவோ சொன்னார்கள் என்று ப்ளட் டெஸ்ட் எடுத்து, ஏதேனும் அதில் கூடக் குறைய இருந்தால், 'ஈஸ் திஸ் பிகாஸ் ஆஃப் பேலியோ அன்ட் ஹைபேட்?' என்று கேட்கக் கூடாது. அப்படியே உங்களுக்குள்ளாகவே வைத்துக்கொள்ளவேண்டும், அதற்கும் பேலியோவுக்கும் சம்ப்ந்தமே இல்லை ஓக்கேயா?" என்று கேட்டேன்.
அவர் புரிந்துகொண்டார். அதாவது பேலியோவுக்கு முன்பாக தனக்கு ஒன்றுமே இல்லை என்று நம்புபவரின் நம்பிக்கை பேலியோவிற்குப் பிறகு பொய்த்துப்போய் டெஸ்ட் எடுக்கச் சொல்கிறது. நம்பிக்கைக்கு டெஸ்ட் தரவுகள் இல்லாமல் அவரால் நம்மிடம் கேள்வி ஏதும் கேட்க முடியாது. ஆயிரக்கணக்கான டெஸ்ட் ரிப்போர்ட்களை நாங்கள் பார்த்தவகையில் 30% மக்களுக்கு முதல் முறையாக நாங்கள் சொல்லித்தான் டயபடிக், ஃபேட்டி லிவர், தைராய்டு, விட்டமின் டி குறைபாடு, ஹார்மோன் குறைபாடுகள், கிட்னி பிரச்னைகள் தெரிந்தது. இதில் மருத்துவர்களும் உண்டு என்பது கூடுதல் தகவல். ரத்தப் பரிசோதனை மூலம் மட்டுமே இவற்றை அறிய முடியும். அந்த ரிப்போர்டை வைத்துக்கொண்டு நாங்கள் ஆப்பரேஷனோ, தொடுசிகிச்சையோ, அக்குமர்மமோ செய்வதில்லை. உங்களுக்கு ரிப்போர்ட்படி இந்தக் குறைபாடு இருக்கிறது. உங்கள் குடும்ப மருத்துவரிடம் இந்த ரிப்போர்ட்டைக் காட்டி ஆலோசனை பெறவும் என்று சொல்லி அனுப்புகிறோம். அஷ்டே.

சரி, இனி ரத்தப் பரிசோனை பற்றி சில விவரங்கள்.

மூன்று முக்கிய பரிசோதனைக் கூடங்கள் நம் குழுவிற்காக குறைந்த செலவில் ரத்தப் பரிசோதனைகள் செய்து தருகிறார்கள். இதில் பல டெஸ்ட்கள் பல விலைகளில் சொல்லப்படுவதால். எந்த டெஸ்டை பேலியோவிற்கு முன்பாக செய்வது என்ற குழப்பம் நிலவுகிறது. அதைப் போக்கி உங்களுக்கு ஏற்ற பரிசோதனைகள் பரிந்துரைக்கிறோம். கவனமாக குறித்துக்கொள்ளவும்.

உங்களுக்கு ஏதேனும் உடல் உபாதைகள் இருந்தாலும், இல்லாவிட்டாலும் நீங்கள் முதன் முதலாக பேலியோ உணவுமுறைக்கு வருவதற்கு முன்பாக முழு டெஸ்ட்கள் + அப்டமன் ஸ்கேன் அடங்கிய பாக்கேஜில் உள்ள டெஸ்ட்களை செய்துகொள்வது நல்லது.

முழு டெஸ்ட் பாக்கேஜ்கள் + அப்டமன் ஸ்கான் யாருக்கு?

01. இதுவரை இதுபோன்ற ரத்தப் பரிசோதனைகள் வாழ்க்கையில் / சமீபத்தில் செய்யாதவர்கள்.
02. முழு பரிசோதனையில் உள்ள முக்கியமான டெஸ்ட்களான விட்டமின் டி, ஹார்மோன்கள், eGFR, Microalbumin Urea போன்ற டெஸ்ட்கள் விடுபட்டவர்கள்.
03. குடிப்பழக்கம், சிகரெட் பழக்கம் உள்ளவர்கள்.
04. அதிக உடல் எடை கொண்டவர்கள் 100+
05. உடல் எடை குறைக்க ஹெர்பாலைஃப், மாற்று மருத்துவங்கள், நாட்டு மருந்து, லேகியம், பவுடர் போன்றவைகள் உபயோகித்தவர்கள்.
06. ஆண்டுக்கணக்கில் டயபடிஸால் பாதிக்கப்பட்டு சிகிச்சை பெறுபவர்கள்.
07. ஆண்டுக்கணக்கில் டயபடிஸால் பாதிக்கப்பட்டு சரியாக ஆங்கில மருந்து உட்கொள்ளாமல் மாற்று மருத்துவம், லேகியம், பவுடர் உண்டவர்கள்/ உண்ணாதவர்கள்.
08. குழந்தையின்மைக்காக உடல் பருமன் குறைக்க பேலியோ முயற்சிப்பவர்கள்.
09. சில பல வருடங்களுக்கு முன் செயின் ஸ்மோக்கர், சங்கிலி குடிகாரர்களாக இருந்து தற்பொழுது நல்ல பிள்ளையாக இருப்பவர்கள்.
10. வருடம் தவறாது இதுபோன்ற உடல் பரிசோதனை மேற்கொள்பவர்கள்.
11. முதன் முறையாக பேலியோ முயற்சிக்க வருபவர்கள் அனைவரும்.

 விலை குறைந்த டெஸ்ட்கள் யார் முயற்சிக்கலாம்?

01. பேலியோ பற்றி நன்கு அறிந்து 100 நாட்கள் கடந்தவர்கள்.
02. தன் உடல் நிலை பற்றி ஏற்கனவே முழு டெஸ்ட் எடுத்து அதன் மூலம் தெளிவாக அறிந்துகொண்டவர்கள்.
மேற்கூறியவர்கள் தங்கள் பிரச்னைக்கேற்ப டெஸ்ட் பாக்கேஜ்களை தேர்வுசெய்துகொள்ளலாம்.
இதுபோக கிட்னி பிரச்னை இருப்பவர்கள், தைராய்டு குறைபாடு இருப்பவர்கள் அவரவர் நிலைக்கேற்ப சில டெஸ்ட்களை மாதந்தோறும் எடுக்கவேண்டி இருக்கலாம். அது குறித்து உங்கள் மருத்துவர் முடிவு செய்வார்.
ஆரோக்கியம் நல்வாழ்வில் பேலியோவுக்கு முன்பாக கட்டாயம் எடுக்கவேண்டிய ரத்தப் பரிசோதனைகளை குழு பரிந்துரைக்கும் மூன்று லேப்களில் மட்டும்தான் எடுக்கவேண்டுமா?
அவசியம் இல்லை. நாங்கள் பரிந்துரைக்கும் முழுமையான பாக்கேஜ்களை நீங்கள் உங்கள் அருகாமையில் இருக்கும் பரிசோதனை நிலையங்களில் கூட எடுக்கலாம். ஆனால் விலை ஒப்பிட்டுப் பார்க்கும்பொழுது உங்களுக்கு வித்தியாசம் புரியவரும். மற்றபடி எங்களுக்குத் தேவை எக்ஸல் ஷீட்டில் முழுமையாக நிரப்பப்படும் எண்கள் மட்டுமே.

நீங்கள் பரிந்துரைக்கும் ரத்தப் பரிசோதனை லேப்களில் சிலவற்றில் ஸ்கான் இருக்கிறது, சிலவற்றில் இல்லை. என்ன செய்வது?

உங்களுக்கு உகந்த மூன்று லேபுகளிலோ அல்லது அருகாமையில் இருக்கும் லேபிலோ ரத்தப் பரிசோதனை செய்துகொண்டு அருகில் இருக்கும் பரிசோதனை நிலையத்தில் அப்டமன் ஸ்கேன் மட்டும் தனியாக செய்துகொள்ளலாம். எளிமையாகப் புரிந்துகொள்ளுங்கள். முழு ரத்தப் பரிசோதனை மற்றும் அப்டமன் ஸ்கேன் பரிந்துரைக்கப்படும் லேப்களில் இருப்பின் அங்கேயே இரண்டையும் தள்ளுபடி விலையில் செய்துகொள்ளவும். அல்லது தள்ளுபடி விலையில் ரத்தப் பரிசோதனையும், அப்டமன் ஸ்கானை அருகாமையில் இருக்கும் நல்ல லேபிலும் செய்துகொள்ளலாம்.

நான் வெளிநாட்டில் வசிக்கிறேன். என்னால் இங்கு பரிந்துரைக்கப்படும் எல்லா டெஸ்ட்களையும் எடுக்க இயலாது. ஆனால் நான் பேலியோ முயற்சிக்க விரும்புகிறேன். நான் என்ன செய்வது?

 நீங்கள் வெளிநாட்டில் இருந்தாலும் ரத்தப் பரிசோதனை என்பது அவசியம். ஆனால் வெளிநாடுகளில் இந்தப் பரிசோதனைகள் செய்வது கடினம் மற்றும் மிக அதிக பொருட்செலவினை அளிப்பது என்பதால், நீங்கள் உங்கள் சுய ஆர்வத்தில் பிகினர்ஸ் பேலியோ துவங்கலாம். குறைந்தபட்சம் உங்கள் ரத்த சர்க்கரை அளவுகள், தைராய்டு, விட்டமின் டி, கொழுப்பு அளவுகளை அறிந்துகொண்டு பேலியோ முயற்சிப்பது நலம். இந்தியாவிற்கு வரும்பொழுது முழுமையான டெஸ்ட்கள் எடுத்துவைத்துக்கொள்ளுங்கள்.

ரத்தப் பரிசோதனை எடுத்தபிறகு என்ன செய்யவேண்டும்?

பின் போஸ்டில் உள்ள இந்த இணைப்பிலிருந்து http://tiny.cc/paleoreport எக்ஸல் ஷீட்டை டவுன்லோடு செய்து அதில் உங்கள் பரிசோதனை ரிசல்ட்டில் உள்ள எண்களை சரியாக உள்ளிட்டு அதை ஒரு ஸ்க்ரீன் ஷாட் அல்லது தெளிவாக மொபைலில் புகைப்படம் எடுத்து குழுவில் அப்லோடு செய்து போஸ்ட் போட்டு தெளிவாக உங்கள் உடல் பிரச்னைகள், தற்பொழுது உண்ணும் மாத்திரை, மருந்துகள், எதற்காக இந்த பேலியோ உணவுமுறையை முயற்சிக்க விரும்புகிறீர்கள் போன்ற தகவல்களை சரியாக விவரித்துக் கேட்டால் உங்களுக்கான பேலியோ பரிந்துரை கிடைக்கும்.

என் குடும்பத்தில் 6 நபர்கள் இருக்கிறோம். நான் மட்டுமே பேலியோ முயற்சிக்க இருக்கிறேன். நான் மட்டும் ரத்தப் பரிசோதனை செய்தால் போதுமா?

பேலியோவுக்கு முன்பான ரத்தப் பரிசோதனைகள் என்பது பேலியோவால் நீங்கள் அடைந்த பலனை ஒப்பிட்டுப் பார்க்கவும், உங்கள் உடல் சம்பந்தப்பட்ட கோளாறுகள் பேலியோவால் குணமடைந்ததை உங்கள் மருத்துவர் ஒப்பிட்டுப் பார்த்து மருந்துகள் அளவைக் குறைக்கவும் பயன்படும்.
ஆனால், பேலியோவில் அல்லாத உங்கள் குடும்ப உறுப்பினர்களுக்கு வருடம் ஒருமுறையாவது இதுபோன்ற ரத்தப் பரிசோதனைகளை நீங்கள் செய்வதின் மூலம், வருங்கால குறைபாடுகள், நோய்களை முன்னரே கண்டறிந்து காப்பாற்றிக்கொள்ள முடியும். நம் குழுவில் பரிந்துரைக்கப்படும் லேபுகளில் குறைந்த செலவில் பேலியோ பாக்கேஜையோ அல்லது, வெளியில் உள்ள லேபுகளில் குறைந்தபட்ச ரத்தக் கொழுப்பு, சர்க்கரை, தைராய்டு, விட்டமின் டி, லிவர், கிட்னி, ஹார்மோன் டெஸ்ட்களை அவரவர் பொருளாதார வசதி மற்றும் உடல்நலன் அடிப்படையில் எடுத்து மருத்துவரைக் கலந்தாலோசிப்பது நல்லது.

குழு தவிர்த்து வெளியே காசு கொடுத்து மருத்துவர்கள் அல்லாத பேலியோ அடிப்படை அறிவற்ற, ப்ளட் டெஸ்டே எடுக்காமல் மூன்று வேளையும் முட்டையும், கறியும், பாதாமும் தின்னச் சொல்லும் போலிகளிடம் அர்ஜன்ட் பேலியோவை நீங்கள் முயற்சித்து, ஒரிஜினல் டூப்ளிகேட் பேலியோ டயட் புத்தகங்கள் படித்து, அதனால் ஏற்படும் பக்க விளைவுகளுக்கு எங்களிடம் கேள்வி கேட்டு நேரத்தை வீணாக்காமல் இருக்குமாறு தாழ்மையுடன் கேட்டுக்கொள்கிறோம்.

இதேபோல பலமுறை குழு சார்பில் பேசி, முக்கிய ரத்தப் பரிசோதனைகளை சகாய விலையில் தருமாறு கோரிக்கை வைத்து புதிய பரிசோதனை நிலையங்களை நாங்கள் அறிமுகப்படுத்தினால் சிலர் டெஸ்ட் எடுக்கவேண்டும் என்று வீட்டுக்கு வரச்சொல்லிவிட்டு காலங்காலையில் ரத்தப் பரிசோதனை எடுக்க வருபவரிடம் இன்னிக்கு வேணாங்க, வடக்குல சூலம் அடுத்த மாசம் பார்க்கலாம் என்று திருப்பி அனுப்பும் பொறுப்பற்றத்தனமும் ரிப்போர்ட் செய்யப்பட்டிருக்கிறது. உங்களுக்கு டெஸ்ட் எடுக்க விருப்பமில்லை என்றால் புக்கிங் செய்யவேண்டாம். புக்கிங் செய்துவிட்டால் டெஸ்ட் எடுத்துவிடுங்கள். உங்களின் பொறுப்பற்ற செயலால், டெஸ்ட் விலைகள் கூடி ஆர்வமுடையவர்களுக்கும் இது பாதிப்பை ஏற்படுத்தும் என்பதை நினைவில் கொள்ளவும். இதனால் வீட்டிற்கு வந்து டெஸ்ட் எடுப்பது நிறுத்தப்பட்டு நீங்கள் காலங்காலையில் காசு எடுத்துக்கொண்டு லேபில் நிற்கவேண்டிய நிலை வரலாம். ஒரு வாய்ப்பை சரியாகப் பயன்படுத்தி அதில் மேலும் தள்ளுபடியோ, புதிய வசதிகளோ பெற எங்களுக்கு உதவுமாறு கேட்டுக்கொள்கிறோம்.
போலவே, சம்பந்தப்பட்ட லேபுகளின் சேவைகளில் ஏதேனும் குறை இருப்பின் நேரடியாக அவர்களைத் தொடர்புகொண்டு புகார் அளித்து நிவாரணம் பெறவும் வேண்டுகிறோம்.

 நன்றி.

Wednesday, December 28, 2016

பேலியோ ஆரம்பித்து சில நாட்களில் வரும் சிக்கல்களைப் பார்ப்போம்.




* தலைவலி மற்றும் லேசான காய்ச்சல் : இது உங்கள் உடம்பிலிருந்து கார்போஹைடிரேட் எனப்படும் மாவுச் சத்து விலக்கப் படுவதால் உருவாகும் தற்காலிக நிலை. பொதுவாக மூன்று நாட்களில் சரியாகும். இதற்கு கார்ப் வித் டிராயல் சிம்ப்டம் அல்லது கார்ப் ஃபுளூ என்று பெயர்.
இதற்கு தண்ணீர் அதிகம் குடிப்பது, வெதுவெதுப்பான தண்ணீரில் 5 கிராம் வரை கல்லுப்பு போட்டு குடிப்பது, கல்லுப்பு போட்டு லெமன் ஜூஸ் குடிப்பது போன்றவை உதவும்.

* அதீத சோர்வு : இதற்குக் காரணமும் கார்ப் புளூதான். மேலும் பேலியோவில் சரியான அளவில் சாப்பிடவில்லையென்றால் உடலுக்குத் தேவையாம வைட்டமின்களும் மினரல்களும் குறைபாடு ஏற்பட்டு இது வரலாம். இவர்கள் தினமும் ஒரு மல்ட்டி வைட்டமின் டேப்லட் எடுக்கலாம். அல்லது தேவையான அடிப்படை வைட்டமின்கள் உணவில் இருக்குமாறு பார்த்துக் கொள்ளலாம்.
மேலும் இதற்கு ஒரு முக்கியமான காரணம் குறைவாகச் சாப்பிடுதல். பெண்கள் குறைந்த பட்சம் 1250 கலோரிகளும், ஆண்கள் 1500 கலோரிகளும் உண்ண வேண்டும். இதற்குக் குறைந்தால் உடலின் அடிப்படை மெடபாலிசம் குறைந்து அதீத சோர்வு, கால்கள் துவண்டு போதல் போன்றவை ஏற்படலாம்.

* வயிற்றுப் போக்கு : பல காரணங்களால் வயிற்றுப் போக்கு ஏற்படலாம். முதல் காரணம் உணவு ஒவ்வாமை. சாப்பிட்ட உணவு ஒவ்வாமையாக இருந்தால் அந்த உணவைத் தவிர்க்க வேண்டும். பாதாம் ஊற வைப்பதில் சில நேரங்களில் கண்ணுக்குத் தெரியாத பூஞ்சனங்கள் படிந்திருக்கலாம். பாதாமை ஊற வைக்கும் போது இரண்டு அல்லது மூன்று முறை தண்ணீரை மாற்ற வேண்டும். மேலும் ஊற வைத்த பாதாமை உலர வைத்து நெய் விட்டு வறுத்து சாப்பிடுவது நல்லது.
வயிற்றில் உள்ள ஜீரனத்துக்கு உதவும் பாக்டீரியா காலனிகள் தொடர்ச்சியான கார்ப் உணவுகளால் அழிந்திருக்கலாம். அதற்கு ப்ரோபயாட்டிக் கெஃபிர் அல்லது ஊறுகாய்கள் அல்லது கிம்ச்சி போன்றவைகளை தொடர்ச்சியாக தினமும் எடுக்க வேண்டும். இந்த நிலை சரியாக நீண்ட காலமாகும்.
அல்சர் உள்ளவர்களுக்கும் வயிற்றுப் போக்கு ஏற்படலாம். சரியான சிகிச்சை எடுத்துக் கொள்வது நல்லது. வயிற்றுப் போக்கு ஏற்படும் போடு நீர்ச்சத்து அதிகளவில் வெளியேறுவதால் நிறைய தண்னீஇர் அருந்த வேண்டும். தேவைப்பட்டால் தற்காலிகமாக இளநீர் அல்லது எலெக்டிரோலைட்டுகள் எடுக்கலாம்.

* மலச்சிக்கல் : அசைவ உணவுகள் அதிகம் எடுத்து நார்ச்சத்து எடுக்காததால் மலாசிக்கல் வருகிறது. இதற்கு இரவு உணவில் 150 கிராம் போல கீரைகள் எடுப்பது நல்லது. காலை எழுந்தவுடன் நெல்லிக்காய் ஜூஸ் உப்பு போட்டு குடிப்பதும் உதவும். இதற்காக பெரிதாக கவலைப்பட வேண்டியதில்லை. வாரம் நான்கு முறை போனாலே போதுமானது.
எந்த அறிகுறிகளும் மூன்று நாட்களுக்கு மேல் இருந்தால் மருத்துவரிடம் சென்று சிகிச்சை எடுத்துக் கொள்வது நல்லது.

சிவராம் ஜெகதீசன் 

Tuesday, December 6, 2016

பாடிபில்டிங் டயரி குறிப்புகள்



20 வயது முதல் விடாமல் என்னை பிடித்து ஆட்டி வரும் மனவிருப்பம் (passion என்பதற்கு சரியான மொழிபெயர்ப்பு இதானே? :-) உடல்வளக்கலையும், வலுதூக்கலும் (பாடிபில்டிங் & பவர்லிப்டிங்)
பாடிபில்டிங் & பவர்லிப்டிங்இரண்டும் வேறு வேறு என்பார் அறிவிலார். ஆனால் அன்பு வேறு, சிவம் வேறு என கூறுதல் போல பொருளற்ற கூற்றாகும் இது. அன்பே சிவம். வலுவே அழகு.
உடல் வலுவை ஏற்றாமல் உடல் தசைகளை பெரிதாக்க முடியுமா? முடியும். ஆனால் அதில் ஏகப்பட்ட சிக்கல்கள் உள்ளன. அதை பிறிதொரு நாளில் காண்போம்.
பாடிபில்டிங் செய்ய சித்தாந்த பின்புலம் அவசியம். அது ஒரு அறிவியல் கலை. தன் உடலை நன்றாக அறிந்து வைத்திருக்கும் ஜென் நிலையே உடல்வளக்கலை. சிற்பி ஒரு சிற்பத்தை செதுக்குதல் போன்ற சிரத்தையுடன் தன்னுடலை தானே செதுக்கும் சிற்பியே பாடிபில்டர் என்பவர். அதைப்போன்ற பரம ஆனந்தத்தை மனதுக்கும் அளிக்கும் வேறு கலைகள் உண்டா, நானறியேன். ஆனால் என்னளவில் இதை விட இனிமையான passion ஏதுமில்லை. உணவு, உடல்பயிற்சி, வாழ்க்கைமுறை, உறக்கம் என அனைத்தையும் நெறிப்படுத்தும் தன்மை கொண்டது உடல்வளக்கலை.
பாடிபில்டிங்கில் என் சித்தாந்தம் High Intensity Training (with periodization) என்பதாகும். என் மானசிக குரு Mike Mentzer. என்னை மிக பாதித்த பாடிபில்டர் Dorian Yates. அவரும் மைக் மென்ட்சரின் சீடரே. ஆனால் anabolic Steroid பயன்படுத்தியே இவர்கள் இந்த உச்சிகளை அடைந்தார்கள் என்பதை அறிந்தபின் அவர்களை கொண்டாடுவதை நிறுத்திவிட்டேன். ஆனாலும் இவர்களிடம் கற்றுக்கொண்டதை வைத்தே என்னால் இப்போது இதில் அடைந்துள்ள எளிய முன்னேற்றத்தை அடைய முடிந்தது என்பதை மறுக்கவும் என்னால் முடியாது. இது ஒரு குழப்பமான மனநிலை.
பாடிபில்டிங் தொடர் என சொல்லி எழுதுவதை விட பாடிபில்டிங் டயரி குறிப்புகள் என்ற அடிப்படையில் எழுதியே இக்கலையின் அறிவியல் பின்புலனை தொடராக எழுத விழைகிறேன். பாதியில் இருந்து படிப்பது போல் தெரிந்தாலும் இதை ஒரு நான் லினியர் தொடராக கருதி படிக்கவும்.."என் 20 வயதில் நான் முதன்முதலாக நல்லாம்பாளையம் சோப்பு கம்பனி ஜிம்மில் காலடி எடுத்து வைத்தேன்" என தொடங்க எனக்கே போர் அடிக்கிறது :-).
இன்று கால் மற்றும் லோயர் பேக் ஒர் அவுட் நாள் (Legs and lower back)
ஜிம் சென்றதும் வெறுமனே 25 ஸ்க்வாட் (பஸ்கி) எடுத்தேன். இது வார்ம் அப்.
அதன்பின் பவர் க்ளீன் (power cleans)
பவர் க்ளீன் ஒரு காம்பவுண்ட் மூவ்மெண்ட். உடலின் அனைத்து ஜாயிண்டுகளும், பல உடல்பாகங்களும் இதில் பயன்பாட்டுக்கு வருகின்றன. லோயர் பேக், க்வாட்ஸ் (Quadriceps), டிரபிசியஸ்(trapezius) மூன்றும் இதில் நன்றாக வார்ம் அப் ஆகின்றன. எக்ஸ்ப்ளோசிவ் ஸ்ட்ரெந் (explosive strength) கிடைக்க இதை பயன்படுத்தலாம்.
52.5 கிலோவில் சுமார் 10 ரெப், புல் ஃபார்மில் எந்த சீட்டிங்கும் இன்றி செய்தேன். அதன்பின் நன்றாக மூச்சு வாங்கியது. சுமார் ஐந்து நிமிடம் ஓய்வு. நீர் பருகுதல், அடுத்த செட்டுக்கு தயார் ஆகுதல் ஆகியவற்றுக்கு இதை பயன்படுத்தலாம்.
எச்.ஐ.டியின் அடிப்படையே ஒரு உடல்பயிற்சிக்கு ஒரே செட், புல் பார்ம், நோ சீட்டிங், ஹெவி வெயிட் என்பதே.
One set per exercise
Full and complete form
No cheating
Heavy weights (5-8 reps)
ஏழு செட்டு பெஞ்சு பிரஸ் அடிப்பதை விட ஒரே செட் பெஞ்சுபிரஸ் மார்பை வளர்க்க போதுமானது.
அடுத்ததாக 110 கிலோ ஸ்க்வாட். ஒரே செட். முழு பார்ம். Ass to the grass எனும் அடிப்படையில் முழுமையாக கீழே உட்கார்ந்து, முதுகெலும்பை மிக நேராக வைத்து வளைக்காமல் ஸ்க்வாட் அடித்தேன்.
அதன்பின் சுமார் 10 நிமிடம் ஓய்வு. இதில் நீர் பருகினேன். மூச்சு வாங்கினேன். அடுத்ததாக செய்யவிருக்கும் டெட்லிப்டுக்கான (deadlift) எடைகளை பார்பெலில் ஏற்றினேன். 153 கிலோ எடையை ராடில் இட்டேன்
டெட்லிப்ட்--உடல்பயிற்சிகளின் அரசன். உடல்வளக்கலையின் சக்ரவர்த்தி. கல்தூண் போன்ற இரு வலுவான லோயர் பேக் (lower back) தசைகளை அளிக்ககூடியது. ஸ்க்வாட்டும், டெட்லிப்ட்டும் செய்யாமலேயே உடலை ஏற்றும் பாடிபில்டர்கள் உண்டு. ஆனால் அத்தகைய உடலால் எந்த பலனும் கிடையாது. அது வலுவற்ற உடல். நீங்கள் 1000 கிலோவை போட்டு லெக் பிரஸ் (leg press) அடித்தாலும் நூறு கிலோவை ஸ்க்வாட்டில் தூக்கும் வலுவை உங்களுக்கு அது அளிக்காது. க்வாட்ஸுக்கு ஒரே ஒரு செட் ஸ்க்வாட் போதும்.
ஸ்க்வாட் டெஸ்டெஸ்ட்ரோனை அதிகரிக்கும் தன்மை கொண்டது. டெஸ்டெஸ்ட்ரோன் ஆண்மையின் ஹார்மோன். டெஸ்டெஸ்ட்ரோன் குறைவாக இருக்கும் ஆண்கள் ஸ்க்வாட்டும், டெட்லிப்டும் அடித்தால் டெஸ்டெஸ்ட்ரோன் அதிகரிக்கும். காலுக்கான பயிற்சி என்பதையும் தாண்டி முழு உடலுக்கான பயிற்சிகள் ஸ்க்வாட்டும், டெட்லிப்டும்.
டெட்லிப்ட்டில் 153 கிலோவை மிக நேரான முதுகுடன், முழுமையான பார்முடன் ஐந்து ரெப் அடித்து முடித்தேன். அதன்பின் களைப்பில் பெஞ்சில் அப்படியே விழுந்தேன்.
டெட்லிப்ட் லோயர் பேக்குக்கு மட்டுமன்றி டிரபிசியஸ் (trapezius) மற்றும் ஃபோர் ஆர்ம்ஸ் (fore arms) இரண்டுக்குமான பயிற்சியாகும். வலுவான முன்கைகள் இன்றி டெட்லிப்ட் அடிக்கவே முடியாது. தூண்மாதிரி கைகளை அடைய டெட்லிப்ட் அவசியம். "தோள் கண்டார் தோளே கண்டார்" என்பது போன்ற அழகிய சரிந்த தோள்கள் அமைய டிரபிசியஸ் அவசியம். பவர்லிப்டர்களின் தோள்கள் அத்தனை அழகாக, வலுவாக இருக்க காரணம் டெட்லிப்ட்.
இன்றைய முக்கிய பயிற்சிகள் இவை இரண்டுமே. அதன்பின் செய்தவை எல்லாம் மித எடை பயிற்ச்களே. இது இரண்டையும் தலா ஒரே ஒரு செட் செய்து முடிக்கவே இப்படி சுமார் 30 நிமிடம் ஆகியிருந்தது. எச்.ஐ.டியில் ஒரு செட் அடிப்பதும் பிற முறைகளில் ஏழெட்டு செட் அடிப்பதும் இரண்டும் ஒன்றே.
அதன்பின் டிரபிசியஸ் நன்றாக வார்ம் அப் ஆகியிருந்ததால் தலா 30 கிலோ டம்ப்பெள்சில் ஷ்ரக்ஸ் (Dumbbell shrugs) செய்தேன். அதன்பின் 35 கிலோ டம்பெள்சில் 1 நிமிடம் விவசாயின் நடை (Farmers walk). இவை முன்கையையும், டிரபிசியசையும் வலுவாக்கும்.
அதன்பின் ஹாம்ஸ்ட்ரிங்குக்கு ஒரு லெக் கர்ள் (leg curl).
காஃப் மஸிலுக்கு ஒரு டம்பெள் காஃல்ப் ரைஸ் (Dumbbell calf rise)
அத்துடன் பயிர்சிகள் முடிவடைந்தன. ஒரு மணிநேரம் ஆகியிருந்தது. வீடு திரும்பி ஐந்து முட்டை மற்றும் அரை கிலோ மட்டன் என சுமார் 130 கிராம் ப்ரோட்டின் எடுத்தேன்.
அதன்பின் நிம்மதியான குளியல். டிவியில் ஜெட்லி படம் பார்த்தபடி இப்பதிவை தட்டி முடித்தேன்.
கணக்குபோட்டால் இன்று செய்தது வெறும் 7 செட்டுகளே. பிற பாடிபில்டர்கள் ஸ்க்வாட் மட்டுமே ஏழு செட் அடிப்பார்கள். ஆனால் எச்.ஐ.டி முறையில் ஏழு செட்டுகளில் முழு கால், லோயர் பேக்கையும், டிரபிசியசையும் பயிற்சி எடுக்க முடிந்தது.
உடல்வளக்கலையின் மூன்று தூண்கள் பின்வருமாறு:
1) பயிற்சி
2) உணவு
3) உறக்கம்
இவை மூன்றில் ஒன்று சரியில்லையெனினும் அடிப்படையே ஆட்டம் கண்டுவிடும்..
HIT பற்றி தொடர்ந்து அடுத்தடுத்த பதிவுகளில் காண்போம்

-- Neander Selvan

Saturday, November 26, 2016

மஞ்சள் காமாலை மற்றும் பேலியோ உணவுமுறை




Dr. V. Hariharan, MBBS, MD (Biochemistry)  SRI BALAJI CLINIC, Eachanari, Coimbatore-21
மஞ்சள் காமாலையில் ஒரு வகையான hepatitis B ஒரு ஆபத்தான நோயாகும். வைரஸ் உள்ள ரத்தத்தை ஏற்றுவதன் மூலமும், உடலுறவாலும், போதை ஊசிகளை பரிமாறிக் கொள்வதாலும் இது வரும். இந்த வைரஸ் ஈரலை அழித்து கேன்சர் வரவழைக்கும். இது கண்டுபிடிக்கப்பட்டால் உடனே மருத்துவரை பார்த்து சிகிச்சை எடுக்கவும். இந்த வியாதி காமன் மேன் டயட் அல்லது பேலியோ போன்ற எந்த டயட்டாலும் வருவதில்லை. இனி விவாத்திற்க்கு செல்வோம்.

டாக்டர் கருணாநிதி: Hepatitis B உள்ளவர்கள் பேலியோ  உணவுமுறை எடுக்கக் கூடாது.
எங்கள் பதில்: ஆமாம். அவர் சொன்னது சரியாக இருக்கலாம். எலிகளில் ஆராய்ந்து பார்த்து கரெக்ட் என சொல்லியுள்ளனர்.
ஏன் இதைப் பற்றி யாருமே இந்தக் குழுமத்தில் இதுவரை எங்களுக்கு சொல்லவில்லை
எங்கள் வாதம் : ஏன் உங்களுக்கு சூரியகாந்தி எண்ணையும் அரிசியும் கெடுதல் என எங்களைத் தவிர யாருமே சொல்லவில்லை? ஏனென்றால் அவர்களுக்கு அது கெடுதல் எனத் தெரியாது. மருத்துவ விஞ்ஜானம் முன்னேற முன்னேற புதிய தகவல்கள் வருகின்றன. அப்படிப்பட்ட புதிய தகவல் தான் பேலியோ. அது இன்று உங்கள் கையில். யாருக்கெல்லாம் பேலியோ கொடுக்கக் கூடாது என்ற சிறிய தகவல்களே கைவசம் உள்ளன. அதை இந்த கட்டுரையின் முடிவில் தருகிறேன். Hepatitis B எனப்படும் மஞ்சள் காமாலைக்கு பேலியோ தரக்கூடாது என்பது இப்போது வந்திருக்கும் (விவாதத்திற்குரிய) கருத்து.

உலகளவில் உள்ள பல பேலியோ குழுமங்களில் இன்னமும் இந்த வைரஸ் உள்ளவர்களுக்கு பேலியோ  உணவுமுறை தருகிறார்கள். ஏனென்றால் இன்னமும் மனிதர்களில் HBV இன்பெக்ஷன் உள்ளவர்களுக்கு பேலியோ எடுத்தால் கெடுதல் தானா எனத் தெரியாது. இனி hepatitis B உள்ள அனைவருக்கும் நமது தளத்தில் பேலியோ அறிவுறுத்தப் பட மாட்டாது என அறிவிக்கிறோம். பேலியொவில் விரதம் முன்னெடுக்கப்படுவதால், பசி இல்லாமை இருப்பதால், உணவு குறைவாக எடுக்கும்பொழுது இதனால் பாதிப்பு வரக்கூடாது என்ற முன்னெச்சிரிக்கையில் இதைக் சொல்கிறோம். இனி புதிதாய் வருபவர்கள் HBSAg டெஸ்ட் எடுத்த பின் தான் நம்மிடமிருந்து அட்வைஸ் வரும்.
இப்போது பேலியோ எடுக்கும் அனைவரும் இந்த டெஸ்ட் எடுக்குமாறு பரிந்துரைக்கிறோம். நெகடிவ் என்றால் நீங்கள் பேலியோவை தொடர்ந்து பின்பற்றலாம். உடனே HBV தடுப்பூசிகள் போடவும். பாசிடிவ் என்றால், பேலியோவை நிறுத்தி மருத்துவரிடம் சென்று வைத்தியம் செய்து குணமான பின் பேலியோவை தொடரலாம்.
என்னடா இது வம்புல மாட்டி விட்டுட்டாங்க. அப்ப பேலியோவே தவறா என சந்தேகம் வரும். ஐயா, Hepatitis B வியாதி உள்ளவரும் அது இல்லாத நார்மல் ஆட்களும் ஒன்றல்ல. அந்த இன்பெக்ஷன் இருப்பவர் தான் இயற்கை உணவான பேலியோ எடுக்கக் கூடாதே தவிர உங்களைப் போல் நார்மலானவர்களுக்கு பேலியோ போன்ற இயற்கை உணவுகளே சிரஞ்சீவிக்கான சாவி.
சார் எனக்கு ஆறாங்கிளாஸ் படிக்கும் போது மஞ்சள் காமாலை வந்துது. நாட்டு மருந்து சாப்பிடவுடன் சரியாச்சு. நான் பேலியோ எடுக்கலாமா?
 ஒரு வாரம் மட்டுமே வரும் மஞ்சள் காமாலை, அதில் 99% hepatitis A ஆகும். அது ஒன்றும் செய்யாது. அவர்கள் தாராளமாக பேலியோ கடைப்பிடிக்கலாம்.
நகைமுரண்: பேலியோ Hepatitis B உள்ளவர்களுக்கு பிரச்சினையே தவிர, இன்று உலகெங்கும் மிக வேகமாக பரவி வரும் மிக ஆபத்தான Hepatitis Cக்கு மிகச்சிறந்த மருந்தாகும். . 

மஞ்சள் காமாலை மற்றும் பேலியோ 
ஒரு ஜீனை பற்றி ஒருவர் metaanalysis (பல ஆராய்ச்சி பேப்பர்களை பார்த்து ஒரு பொதுக் கருத்துக்கு வருவது) செய்கிறார் என்றால், அந்த ஜீனை பற்றி பல தகவல்கள் வருகின்றன. இந்த ஜீன் இதை செய்கிறது என்று நாலு ஆதாரங்கள் கிடைக்கிறது. இல்லையில்லை இந்த ஜீன் அந்த வேலைக்கு எதிர் வினை புரிகிறது என நாலு ஆதாரங்கள். அதோடு இது வேறு பல வேலைகளும் செய்கிறது என நாலு ஆதாரங்கள். இவற்றில் எதை எடுப்பது விடுவது என தெரிவதில்லை. Vit D வெறும் எலும்புக்கு என எவ்வளவு காலமாக மருத்துவ உலகம் நம்பி வந்தது. அதே போல் Zinc க்கும். இரண்டுமே மாஸ்டர் ஹார்மோன்கள் என உலகம் இப்போது கொண்டாடுகிறது.
நம் செல்களில் 23,000 ஜீன்கள் இருப்பதே நமக்கு 2001ல் தான் தெரியும். ஒவ்வொரு ஜீனுக்கும் என்ன வேலை என ஒவ்வொன்றாக கண்டுபிடித்துக் கொண்டிருக்கிரார்கள். பிறக்கும் போது இந்த ஜீன் சரியில்லை என்றால் இன்னின்ன வியாதி வரும் என்பது பல வருடங்களாக ஆராய்ச்சி செய்து முக்கால்வாசி வியாதிகளை கண்டுபிடித்துருக்கிறார்கள். ஆனால் பிறக்கும் போது வரும் அல்லது பிறந்து நிர்ணயிக்கப் பட்ட சில ஆண்டுகளில் வரும் வியாதிகளைப் பற்றி நாம் பேசப் போவதில்லை.
சில சமயம் ஜீன் மாறி விடும். polymorphism என்று சொல்வார்கள். இயற்கையாகவே ஒருவருக்கு இருக்கும் ஒரு ஜீன் போல அனைவருக்கும் இருக்கும் என்று சொல்லி விட முடியாது. சிலருக்கு கொஞ்சம் மாறுதல் இருக்கும், ஆனால் ஒன்றும் செய்யாது. ஆனால் பிறந்த பின் நிகழும் பல வகை பாலிமார்பிசங்கள் ஆபத்தானவை. பல பாலிமார்பிசங்கள் நன்றாக வேலை செய்யும் ஜீனை முடக்கிப் போட்டு விடும். பாலிமார்பிசம் எதனால் நடக்கிறது. உணவு, பொல்லுஷன், மற்ற வியாதிகள், புகையிலை மற்றும் பல.

ஜீன் எக்ஸ்பிரஷன் இன்னொரு பேசு பொருள். அப்படி என்றால் என்ன? 
உங்களுக்கு ஐம்பது கோடி பணம் இருக்கிறது. ஆனால் ஒரு வேட்டி சட்டையுடன் சிம்பிளாக சுற்றுகிரீர்கள். நீங்கள் அவ்வளவு பெரிய பணக்காரர் என்பதை வெளிக்காட்டுவதில்லை. ஆனால் எதிர் வீட்டில் ஒருவன் ஒரு கோடி ரூபாய் வைத்துக் கொண்டு இல்லாத ஆட்டம் எல்லாம் ஆடி, உங்களை கடுப்பாக்கினால், அடுத்த நாளே உங்கள் வீட்டின் முன் ஒரு ஜாகுவார் காரை வாங்கி நிறுத்தி உங்களை எக்ஸ்பிரஸ் செய்வீர்கள். அதாவது தகுந்த உசுப்பேற்றுருதல் இருந்தால் தான் பல ஜீன்கள் வேலையே செய்ய ஆரம்பிக்கும். அதில் நல்ல ஜீனும் உண்டு. கேன்சர் செய்யும் ஜீனும் உண்டு. என்ன வகையான உசுப்பேற்றல் என்பதை பொறுத்து இந்த இரண்டு வகை ஜீன்களில் ஒன்று தூக்கத்திலிருந்து எழுந்து வினை செய்யும். பல வகை தூண்டுதல்கள் இருக்கின்றன. பல வகை ஜீன்கள் அவற்றால் விழிக்கின்றன. இன்னும் பல ஜீன்களின் தூண்டும் காரணி யார் என அறியப்படவில்லை.
டைப் 1 டயாபடிசை விட்டுவிட்டு இரண்டாம் டயாபெடிசுக்கு வருவோம். இன்சுலின் ரெசிஸ்டென்ஸ் ஏன் ஆரம்பிக்கிறது. முழு கதை இதுவரை யாருக்கும் தெரியாது. பல ஜீன்களின் சித்து விளையாட்டுகள் ஆரம்பிக்கின்றன. குண்டாக இருப்பதாலோ, மாறுபட்ட கொலஸ்டிரால் அளவாலோ, இன்பலமேஷனாலோ, இவை எதுவுமே இல்லாமலோ, தெரியாத காரனங்களாலோ பல ஜீன்கள் அல்லது ஒரு குறிப்பிட்ட ஜீன் பாதிக்கப் படுகிறது. பாலிமார்பிசமும் நிகழலாம், அல்லது எக்ஸ்பிரஷனிலும் மாற்றம் நிகழலாம். சிலருக்கு லெப்டின் ஜீன், சிலருக்கு அடிப்போநெக்டின், சிலருக்கு PPAR ஜீன் அல்லது எல்லாம் சேர்ந்து கிண்டிய அல்வா அல்லது இதுவரை தெரியாத புது மெக்கானிசம் உள்ள ஜீன் என சர்க்கரை வியாதியில் ஒன்று அல்லது அதற்கு மேம்பட்ட ஜீன்களின் கோளாறு உள்ளது. பலர் இந்த ஜீன் கோளாறால் தான் சுகர் வருகிறது என்கிறார்கள். ஆனால் கார்ப்  உணவுமுறை  மற்றும் கெட்ட வழக்கங்களே இன்சுலின் ரெசிஸ்டன்ஸ் வரும் என்பது பரவலான எண்ணம். அதனால் ஜீன்கள் பாதிக்கப்பட்டு டயாபடிசாக உருவாகலாம்.

கோழியிலிருந்து முட்டையா இல்லை முட்டையிலிருந்து கோழியா என்பது இப்போதைய கேள்வி அல்ல. இப்படி மாறுபட்ட ஜீன்கள் இருப்போருக்கு என்னென்ன உப பிரச்சினைகள் வரும் என்பதே முக்கியம். அதில் நமது டாக்டர் கருணாநிதி அவர்கள் கொடுத்த PGC-1 alpha என்ற முக்கியமான ஜீன் பற்றிய தகவல் மற்றும் hepatitis B க்கும் பேலியோவிற்கும் உள்ள நெருடலான தொடர்பு பற்றிப் பார்ப்போம்.

PGC-1α ஜீன் புரதத்தின் வேலைகள்:

1. இந்தப் புரதம் கொழுப்பை உடைத்து சக்தியை உருவாக்குவதில் ஒரு பங்கு வகிக்கிறது. எலிகளுக்கு இந்த ஜீனை பாதிக்க வைத்தால், எலிகள் அதிக வேலை செய்ய முடியாமல் களைப்பாகி விடுகின்றன.
2. எலி வளரும் போது இந்த ஜீன் மிக அதிகமாக இதயத்தில் தூண்டப் படுகிறது. இதனால் வளரும் உடலுக்கு ரத்தம் செலுத்த இதயத்திற்கு மிக அதிக சக்தியை கொழுப்பை உடைத்து உருவாக்க இந்தப் புரதம் உதவுகிறது
3. மற்றும் கொழுப்பை உடைத்து இயற்கையான உடற்சூட்டை ஏற்படுத்த இந்தப் புரதம் தூண்டுகோலாய் இருக்கிறது.
4. இன்சுலினுக்கு எதிரான குளுக்ககான் போல் இது வேலை செய்கிறது. பாஸ்டிங் நேரத்தில் மற்ற பொருட்களிலிருந்து குளுக்கோஸ் தயாரிக்கவும், கொழுப்பை எரிக்கவும் தூண்டுகிறது.
5. இன்னும் சில வேலைகள்.

Hepatitis B வைரசின் வேலைகள்:

1. மற்ற வைரஸ்கள் போல் வந்தோமா செல்லை அழிச்சோமா போனோமா என இல்லாமல், இந்த வைரஸ் நம் மெட்டபாலிச ஜீன்களுடன் ஒன்றி உறவாடுகிறது.
2. பசி நேரத்தில் குளுக்கோஸ் கம்மியாகி, குளுக்ககான் தயாரிப்பு தூண்டப்படும். அதே நேரத்தில் PGC-1 alpha ஜீனும் அதிகமாக எக்ஸ்பிரஸ் செய்யப்படும். பசி நேரத்தில் சுரக்கப்படும் PGC-1 alpha, Hepatitis B வைரசை பல்கி பெருக வைக்கிறது. சாப்பிடவுடன் இந்த வைரஸ் அளவு கட்டுக்குள் வந்து விடுகிறது.
3. பேலியோவில் நம் உடல் கொஞ்சம் பசி நிலை (குளுக்கோஸ் இல்லா நிலை) யில் இருப்பதால், HBவைரஸ் கொஞ்சம் அதிகமாக இருந்து லிவரை மேலும் பாதிக்க வாய்ப்பு உள்ளது.
4. இன்னும் மனிதர்களில் இந்த ஆராய்ச்சி செய்யப்படவில்லை. animal studies, cell lines மட்டுமே செய்யப்பட்டுள்ளது.
5. இதைப் போன்ற வேறு வைரஸ்கள் இதுவரை இல்லை.

முடிவுரை:
சந்தேகத்திற்கான பலனை மக்களுக்கு வழங்க வேண்டி அனைவரும் பேலியோவிற்கு முன் HBsAg டெஸ்ட் செய்ய வேண்டும் (HBVக்கும் பேலியோவிற்கும் மனிதர்களில் சம்பந்தமில்லை என நிருபிக்கும் வரை). Hepatitis B இருந்தால் பேலியோ வேண்டாம். அவர்கள் hepatologistஐ பார்த்து மருந்துகள் எடுக்கலாம் (அவ்வளவு காஸ்ட்லி ஒன்றும் இல்லை. interferon costly but works quickly, lamivudine cheap but takes two years to get well). முழுமையாக வைரஸ் ஒழிந்த பின் இங்கே வரவும்.
மறுபடி முதல் paragraph: மஞ்சள் காமாலையில் ஒரு வகையான hepatitis B ஒரு ஆபத்தான நோயாகும். வைரஸ் உள்ள ரத்தத்தை ஏற்றுவதன் மூலமும், உடலுறவாலும், போதை ஊசிகளை பரிமாறிக் கொள்வதாலும் இது வரும். இந்த வைரஸ் ஈரலை அழித்து கேன்சர் வரவழைக்கும். இது கண்டுபிடிக்கப்பட்டால் உடனே மருத்துவரை பார்த்து சிகிச்சை எடுக்கவும். இந்த வியாதி காமன் மேன்  உணவுமுறை  அல்லது பேலியோ போன்ற எந்த  உணவுமுறை வருவதில்லை.

Monday, November 21, 2016

பேலியோவில் உடல் எடை ஏற....


முக்கிய குறிப்பு : கீழே சொல்லுவது உடல் ஏற வேண்டும் என்பவர்களுக்கு மட்டும். சர்க்கரை குறைபாடு போன்ற எவ்வித உடல் உபாதைகள் இல்லாதோருக்கு மட்டும்.



பேலியோவை பெரும்பாலும் உடல் எடை குறைக்கதான் பயன்படுத்துகிறார்கள். ஒல்லியாக உள்ளவர்கள், எடை குறைவாக உள்ளவர்கள் பேலியோவில் எடை ஏற்றவும் நல்ல வாய்ப்பு உள்ளது. உடலில் கொழுப்பு சேராமல் தசை ஏற்ற வாய்ப்பு உள்ளது.
உங்கள் எடை ஏற வேண்டுமெனில்....
1. ஜிம் செல்லுங்கள். இது மிக முக்கியம். பயிற்சிகளை முறையாக கற்றுக் கொண்டு எடை தூக்கும் பயிற்சிகளை செய்யுங்கள். Squats போன்ற கால்களுக்கான பயிற்சி கண்டிப்பாக செய்யுங்கள். உங்கள் தசைகளுக்கு பயிற்சி கொடுக்கும் போது அவை காயப்பட்டு அவை மேன்மேலும் வலுவுடன் வளர ஆரம்பிக்கும். No Pain. No Gain.
2. நடை பயிற்சி, ஓட்டம் போன்றவை வாரம் ஒரு முறைக்கு மேல் வேண்டாம்.
3. ஒரு நாளைக்கு 250 மிலி முழு கொழுப்பு பால் எடுத்துக் கொள்ளுங்கள்.
4. 200 மிலி தயிர் தினசரி எடுத்துக் கொள்ளுங்கள்.
5. ஒரு வேளை கார்ப் உணவு எடுக்க வேண்டும். ஒர்க் அவுட் முடித்த பிறகுதான் ஒரு மணி நேரத்திற்குள் எடுக்க வேண்டும். பரிந்துரைக்கப்படும் கார்ப் உணவுகள் உருளைக் கிழங்கு 200 கிராம் அல்லது சக்கரை வள்ளிக் கிழங்கு 200 கிராம் அல்லது 200 கிராம் ஆப்பிள் அல்லது 200கி வாழைப்பழம்.
6. மற்ற வேளைகளில் புரதம் + கொழுப்பு அதிகம் நிறைந்த முட்டை, கோழி, மீன், சிகப்பு இறைச்சி போன்ற உணவுகளை தினமும் உணவில் சேர்த்துக் கொள்ளுங்கள்.
7. இரவு உறங்கும் முன்பு 20 பாதாம் சாப்பிடுங்கள்.
மேலே உள்ள அனைத்தையும் செய்யுங்கள். எதையும் ஸ்கிப் செய்ய வேண்டாம். ஒரு மாத முடிவில் உங்கள் எடை அதிகரித்து இருக்கும்.
இவ்வாறு செய்யும் போது உடலில் அதிகம் கொழுப்பு சேராமல் தசை அதிகம் ஏறும். உடலில் கொழுப்பு அதிகம் சேர்வதாக தெரிந்தால் பாலை நிறுத்தி விடுங்கள்.

- Kathiran